طفشااااااااااااااااانه
سألتها يا بنت بالله وش فيك
.............. قالت بدون شعور ياشيخ طفشانه
قلت السلامه ماتجي بالمهاليك
.............. أمس الصباح بخير واليوم تعبانه ؟
رديت أنا يا بنت ربي يعافيك
.............. لامن سألتك لا تقولين مرضانه !!
وش حيلتي والقلب مجبور يرضيك
.............. مقابلك يا بنت كله على شانه
قلب ٍ عمى مايهتوي غير طاريك
.............. العين تبصر والمعاليق عميانه
الله من قلب ٍ له شهور يرجيك
.............. يجمع لك الغدران وعروق ضميانه
لامن حظرتي قام يهتز بيديك
.............. ماكنه ألا طير مقصوص جنحانه
لحظة غيابك ماتونّى يناجيك
.............. ينوح مثل الطفل مشتاق (ل )حضانه
هذاك قلبي للمعاليق يشكيك
.............. وأنتي معي يا بنت للحين طفشانه ؟
ماكني ألا من يوقع على شيك
.............. وش حاجتي يا لعب بأوراق خسرانه ؟
ياقلب وقّف لا تهدك عزاويك
.............. وأنتي هذا قلبي بوصفه وعنوانه
لامن بغيتيني على العز شاريك
.............. الناس بالمقسوم تشقى ورضيانه !
الكاســـر2020
موضوع: طفشااااااااااااااااانه 
الأحد أغسطس 19, 2007 11:40 pm
