بسم الله الرحمن الرحيم
هذي قصيده للشاعر/شالح بن هدلان (يرثي ولده ذيب)
ياربعنـا ياللـي عـلـى الفـطـر الشـيـب عــز الله إنــه ضــاع منـكـم وداعـــه
رحتوا على الطوعات مثل العياسيـب وجيـتـوا وخليـتـوا لقـلـبـي بـضـاعـه
خلـيـتـوا الـنــادر بـــدار الأجـانـيــب وضاقـت بـي الآفـاق عقـب اتسـاعـه
تـكـدرن لـــي صـافـيـات المـشـاريـب وبالعون شفت الـذل عقـب الشجاعـه
ياذيـب انــا بوصـيـك لاتـاكـل الـذيـب كــم ليـلـة عـشـاك عـقـب المـجـاعـه
كـم ليـلـة عـشـاك حــرش العراقـيـب وكـم شيـخ قــوم كـزتـه لــك ذراعــه
كـفـه بـعـدوانـه شـنـيـع المـضـاريـب ويسقـي عـدوه بالوغـى سـم سـاعـه
ويضحـك ليـا صكـت عليـه المغالـيـب ويلكـد عـلـى جـمـع الـعـدو باندفـاعـه
وبيتـه لجيرانـه يشيـد عـلـى الطـيـب وللضيـف يبنـي فـي طويـل الرفـاعـه
جرحي عطيب ولا بقى لـي مقاضيـب وافخت حبـل الوصـل عقـب انقطاعـه
كـنـي بـعـد فـقـده بحـامـي اللواهـيـب وكنـي غريـب الــدار مـالـي جمـاعـه
من عقب ذيب ، الخيل عرج مهاليـب ياهـل الرمـك مـاعـاد فيـهـن طمـاعـه
قالوا تطيب وقلت : وش لون اباطيب وطلبـت مـن عـنـد الكـريـم الشفـاعـه
{الخيال}
موضوع: قصيده للشاعر/شالح بن هدلان (يرثي ولده ذيب) 
الأحد أغسطس 26, 2007 7:40 pm
