منك الجفا جفاني

[color

=darkblue]حاولت أدور للخطا عندك أسبـاب = حاولت أشوف بعين ماهيب عينـي
حاولت الآقي لك عذر يقبل عتـاب = حاولت أضمك عمر تالـي سنينـي
حسبت لظروف الزمن عندي حساب = الا أنت ما ظنيـت ظلمـك يجينـي

ظلمتني ظلـم المواليـن الاقـراب = ياكيف تقهر مـن بذاتـك سجينـي

جفيتني لين الجفـا خاطـره طـاب = منك الجفـا جانـي يقبـّل جبينـي

وهجرتني ذنبٍ عن المغفره غـاب = وجيتك غفور لكـل ذنـبٍ مبينـي

عطيتك اللي زاهـدٍ فيـه وهـاب = لا ما تكاثرت العطـا فـي يدينـي

وسلمتك المركب ولا فيـه ركـاب = غير الذي زانـك علـي راحتينـي

واليوم مدري كيف ظني بعد خـاب = وانا أعرف أن الحّروعده ثمينـي

اليوم هو اليوم تقتـص الأعطـاب = والله لاحني بنـزف دمـك يمينـي

والله لاخلي دمعتك نـور الأهـداب = وابكي معك وابكيك وانسى حنينـي

واعلمك آن الهـوى فيـك كـذاب = وارجع واقول آن الهوى مبتلينـي

واطمنـك بالحـب وافـز مرتـاب = واقـول بعـد الحـب لا تحترينـي

بالعب على قلب لعب فيـه نهّـاب = واترك خيال الشوق بينـه و بينـي

تعال وخذنـي لا تعـذر بالأسبـاب = الوقت هو الوقـت يعبـر سنينـي[/color]

بارك الله فيك

ومشكووووور يالغلا

على الابيات

وتقبل مروري

حاولت أردلك بشعر قلت بترك مجال للأصحاب

حاولت أشكرك على أحلى أشعار تجيني

وأقلك بصراحه أذهلتني بمواضيعك وأشعارك الرائعه

الرائعه لا أروع من الرائع

ونتظرني في كل جديد لك

مشكوووووووووور