موسوعه شعرية للشاعر بيرم التونسي

[color=red]اخواني

هنا ان شاء الله تعالى سوف اضع بين ايديك بعض ما قاله الشاعر المصري الراااااائع جدا
بيرم التونسي

وهنا سأبدأ بقصيده قالها في باريس وكانت بعد زيارة له فيها

باريس

يامدمزيل ياللي ف قصرك يازينه عصرك

المبسوط يحبك على خصرك يتهز قوام

في الحرب بتواسي المجاريح فوق الطراريح

وتـقـلبي الغـم بـتـفـريح والنار بغرام

ومشيتـك في السكه غزال وقيافتـك عال

كدا سلت ملت مفيش خلخال وسخام لطام

ولا الايدين فيها غوايش ولا شيء حايش

كدا لهط مهط فطير بايش اشمط وانام

اللحم ابيض ومزقـلط وبيـتـزفلط

والوش ده مش متخطط زي ام لتام

دول في المدارس ودوكي بيربوكي

الله يخليكي لابوكي وامك ياتـمام

طلعتي حافضه جغرافيا وصحه وعافيه

حتى اللي هوه بلا قافيه حافضاه ياسلام

البنت عضو في اكاديميا وتعرف كيميا

خلينا احنا في الباميا والفقر التام

تمسك ياعم ايد التلفون مش ايد الهون

اللي تسمّع في الكركون والناس ح تـنام

فين اللي تعـتر في الحلّه وتكسر قـلّه

من اللي تـنقـش دانتيلّه من البفته الخام

مفروده دايما لاتبوز ولا تـتأوز

عازبه ولما بتجّوز تعمل له مقام

يبوسها قدام جمعيه وتبوس هيه

لا كسكسه في الحريه مسيو ومدام

مادام يحبها وتحبه وداخله ف عبه

مايسبهاشي ولا بتسبه من عنده كلام

اما الا نيته ام جلاجل تاخد الراجل

تركبه الفقر العاجل وتجيب له لجام

متجوزاه وعاملاه سلم لويتـكلم

الضرب على صدغه يعلم اكفف واقلام

تدخل وتخرج ماتشاور عايزه اساور

ماتخلي شرطي ولامجاور ولا واد خدام

عليها حته دين عرقوب ولسان مسحوب

وصدغ اطول م المركوب وتياب قُدام

وجوزها يشرب بنوره وهيه طاطوره

تحبل وتولد بالطوره زي الأغنام

يـيجوا العيال اللي يهرهر واللي يـبربر

ودا اللي اقرع واللي اعور واللي له خزام

اطفال اوربا ف عربيات ومربيات

وبزازات وتبات ونبات ولهم حمام

لا ده ابوه مليارد كبير ولا دا ابن فقير

مادام دا يبقى طفل صغير تعذيبه حرام

قال الكرم خد اموالنا امال مالنا

يارب سايـبيـن اطفالنا زي الايتام

مكومين كدا في الشارع روس وكوارع

والسلسله وعضم الذارع والباقي عضام

تدوسهم الساده الشماليل يعني المساطيل

المجعوصين جوا الطومبيل زي الاصنام

آه لما اشوف رزق الجاهل كدا بالساهل

صاحب وجاهه دا بيستاهل حكم الاعدام

الكاســـر

مشكور يا الكاسر على هذا الموضوع

مشكور

مشكور اخوي الغالي

الكاسر

على النقل الجيد والجهد المبذول

الماهر