قصيده في جميع قبائل السعوديه

هذي قصيــدة رائعة أعجبتني حبيت انقلها لكم

قصيــدة تتكلم في جميع القبائل السعودية تقريبا
أترككم مع المتعــة

يالله ياخالـق اراضـيـن وابـحـار00000الواحـد المعـبـود رازق عبـيـده
الخالـق الغفـار عـلام الاســرار00000وفرق شعوب الارض فـي كـل يـده
وابدي واسولف من عذيبات الاشعار00000ابيـات شعـر والمعـانـي وكـيـده
اشري وابيع واعرف كيـف بختـار00000واختار من جـزل البيـوت الفريـده
واذكر تراث وعز وامجـاد وافخـار00000قبائـل تومـن بـديـن و عقـيـده
وصلت حضارتنا على سطح الاقمـار00000ابنـا الجزيـرة والجزيـره مجيـده
في ظل حكـام لهـم فعـل واشـوار00000آل السعـود اللـي تفـك الضهيـده
نسل الزعيم الحاكـم العـادل البـار00000مجـدد امجـاد الجـزيـره بجـيـده
حتى اصبحت حره وحنا لـه انصـار00000في ظل اخو نـوره هنـوف سعيـده
وصارت لابو تركي بطولـه وتذكـار00000والفخـر والامجـاد تبقـى شهيـده
وخلف لنا املوك لهم فعـل واخبـار00000الشعـب واحـد والقيـاده رشـيـده
والامن بانينه علـى سـاس وجـدار00000وقرو على العابـث عقوبـه شديـده
وحنا حماة الـدار مـن كـل غـدار00000وما همنـا بطشـه وخبثـه وكيـده
قبـائـل مالحقـنـاهـم اوعـــار00000وعشنا بهذي الدار عيشـه رغيـده
والحمـد لله نحمـده سـر واجهـار00000شعب تكاتـف مـن سنيـن مديـده
ودون الوطن جيش على كـل معبـار00000لارفـرف البيـرق ونـادى عقيـده
بشرق البلاد وغربهـا دوم حضـار00000وارض الشمال اللـي نفـوده مديـده
وارض الجنوب اللي تخيضر بالاشجار00000جزيـرة فيهـا القبـايـل عـديـده
ارض بها قحطـان وافيـن الاشبـار00000وياعـز منهـم بالشدايـد بسـيـده
واذكر عتيبـه يـوم للطيـب مغـوار00000لا ثـارت الهيجـا وقـرب ضديـده
وشمر هل الطولات والجـود مقـدار00000اهل الكرم واهـل الفعـول الحميـده
وقوم اعنزه مروين الاخصام الامرار00000اولاد وايـل مـن عصـور عهيـده
ومطير قوم تكـرم الضيـف لا زرار00000وياويل خصم فـي حراهـم وعيـده
واذكر قبيلة حـرب يانعـم الاخيـار00000وتاريخهـم يحكـي سطـور مجيـده
وسبيع نعم القـوم ووجيـه الاسفـار00000زبن الدخيل ليا زبـن مـن طريـده
واذكر قبيلـة يـام والطيـب ينـدار00000اهـل العلـوم الوافيـه والرشـيـده
ثم الدواسر تجعـل الخصـم منهـار00000عيـال زايـد عـز منهـم سنـيـده
ثم السهول اللي لها الطيـب مـدرار00000وعن منهج العـادات ماهـي محيـده
ثم اذكـر العجمـان حمايـة الجـار00000والمرجلـه والجـاه فيهـم عتـيـده
واذكر بني مـره طويليـن الاعمـار00000مـا ينقـد المـري ولا لـه نقيـده
ثـم الهواجـر لابـه تقـدح النـار00000اهل الركـاب اللـي خطاهـا بعيـده
واذكـر بنـي خالـد قبيلـة وامـار00000قوم لهم في المجـد قـول ورصيـده
وبني تميم اللي لها الطيـب مصـدار00000بنـي تميـم وكـل فـعـل تجـيـده
ثم الزعوب اللي بها الخصـم يحتـار00000شجعـان ماترضـى سـوا ماتريـده
العازمي وافي وفـي الطيـب بيطـار00000روحه على كل المصاعـب صميـده
ثم الظفيري فـي المصاعيـب جبـار00000والطيب والامـداح باصلـه وطيـده
ثم اذكر الاشـراف بجـلال واكبـار00000اهل الحجـاز اللـي تفـك الزهيـده
ثـم الهذيلـي لـه مواقـف ومنـدار00000راعي الفخر راعي العلـوم السديـده
ثم البقوم اللي لهـم جيـش وامهـار00000ريف الضيـوف ليـا لفاهـم وليـده
واذكر ثقيف اللي لهـم مجـد وآثـار00000ومهمـا حسبنـا مـن كـلام نعيـده
وبلحارث اهل العز بشهـود واقـرار00000ا لحارثـي ياطيـب فعلـه وجـيـده
والمالكي معروف لا صار مـا صـار00000في موقف اهل الطيب يبـذل جهيـده
واثني تحياتي عـدد وبـل الامطـار00000علـى سليـم وكـل خصـم تكيـده
واذكر جهينه هـل مواقيـف وادوار00000تلقى الجهيني راسـم الطيـب بيـده
واذكر بلي والمجدلـه فعـل واظهـار00000وتاريخهـم يحكـي فعـول فـريـده
وبني عطيه في المواجيـب حضـار00000قـوم بوقـت الجـد قـوم عنـيـده
ثم الحويطي والكرامـه لـه اشعـار00000ثـم الشـراري لـه فعـول مفيـده
ثم الرشيدي فـي الصعيبـات صبـار00000علـى علـوم الطيـب فعلـه يزيـده
وباقي جنوب الـدار والقـاف مـادار00000باقـي علـى قلبـي كـلام واشيـده
زهران نعم القوم في وقت الاضـرار00000والخصم عينه مـن لقاهـا سهيـده
والغامدي معروف له عزم واصـرار00000راعـي المراجـل والعلـوم المفيـده
وشمران قوم والجمايل لهـا اطـوار00000وبلقـرن سـم للقـلـوب النكـيـده
والاكلبي والمحلفـي مابعـد بـار00000والحارثـي طيبـه وفعلـه يشـيـده
وبني شهر وبني عمر سيـف بتـار00000قـوم علـى الاخصـام نـار وقيـده
والاسمري والاحمري صيتهـم سـار00000بيـن القبايـل والمواقـف شهيـده
واذكر عسير الهول ذربيـن الاذكـار00000وابها احتموهـا فالسنيـن الشديـده
وادهم والصيعر علـى حـد الاقطـار00000يحمون حد الدار مـن اللـي يريـده
وامشي مع الساحل مع جملـه افكـار00000رسمتهـا والطـيـر زان تغـريـده
وانزل على جيـزان تاريـخ واديـار00000ورجـال فيفـا والقبـايـل عـديـده
وارجوا العذر واهل المواجيب عـذار00000الي نسيتـه مانذكـر فـي القصيـده
الواهبـي عـدد ابيوتـه بــالادوار00000مـن شاعـر ماشـل قلبـه حقيـده
شهران ربعي هم هل المـدح والكـار00000واهل الكند واهل السيـوف الجديـده
يـوم البلـد مايامـن الزنـد لاثـار00000زيزومنا ابـن مشيـط نعـم الوليـده
فالجهل شجعان وفـي السلـم تجـار00000مـن بطـن بيشـه للتهـم لارفيـده
حبيت ابيـن موقفـي بيـن شعـار00000وارجوا سموحتكم علـى ذا النشيـده
ماحـب انافـق واتعنصـر تعنصـار00000ولا ني باطيع اهـل العقـول البليـده
ما كل من طـب البحـر قيـل بحـار00000وما كل من شل الفشق جاب صيـده
فالشعـر بستـان بـه ورد وازهـار00000واللـي تعـداهـا بيـوتـه فقـيـده
واقولها في الشعـر تكـرار وامـرار00000ظـرف بـلا عنـوان يلغـى بريـده
وبعض السوالف له مواقف ومحضار00000وشعـر بـلا معنـى لـزوم نبيـده
وصلوا على المرسول شفاع الابـرار00000محمـد الهـادي وقــدوة عبـيـده

احسنت وما قصرت

لكن لوكنت تحدد اسماء القبائل بين قوسين كان احسن

طلبك مجاب يا شموخ

وتم تغيير لون القبائل الى اللون الاحمر

قصيدة جميلة بارك الله فيك اخي الغالي

ما قصرت تقبلي ودي واحترامي

::

بن غازي

سلام لك خاص يا عاشق ديرته
سلام لك طايل على مد النظر 00000 مليون في مليون يا صقر الصقور
سلام لك وحدك يخصك مختصر 0000 أجمل تحيه ورد مرشوشه عطور
حماك ربي دايماً من كل شـــــــر 0000 ويجعل أيامك صفا دايم ونــــــور

وشكراً وألف شكر على على كلماتك الجميله

السلام له ترحيب وهذي ترحيبه

يامرحبا يالبرنس مثل وبل المطر000000 وانت اذا طليت تزيد الشمس نور
والرجال معادن وانت معدنك در000000 يالي كلامك مثل بني القصور
واطلب من الله يوهبك حب البشر000000 وادعو عسى ربي يزيدك سرور

والمعذره لو حصل قصور

قصيده جميله وكلمات ايضا جميله

وتقبل مروري

أنا كان بأمكاني أن أردلك بأعظم الكلمات بس

سنبقى ملفتين الأنظار فيكتفون بقراءة كلماتنا

وأرجوا من الجميع أن يمتعونا بمشاركاتهم

وشكــــــــــــــــــــــــــراً

مشكوووووووور

على الموضوع

تقل تحياتي

قصيدة رائعة ويا حبذا لو تكبر الخط